Surya Kavacham in Telugu

Surya Kavacham in Telugu

సూర్యకవచం

యాజ్ఞవల్క్య ఉవాచ

శృణుష్వ మునిశార్దూల సూర్యస్య కవచం శుభం శరీరారోగ్యదం దివ్యం సర్వసౌభాగ్యదాయకం

దేదీప్యమానముకుటం స్ఫురన్మకరకుండలం ధ్యాత్వా సహస్రకిరణం స్తోత్రమేతదుదీరయేత్

శిరో మే భాస్కరః పాతు లలాటం మేऽమితద్యుతిః నేత్రే దినమణిః పాతు శ్రవణే వాసరేశ్వరః

ఘ్రాణం ఘర్మఘృణిః పాతు వదనం వేదవాహనః జిహ్వాం మే మానదః పాతు కంఠం మే సురవందితః

స్కంధౌ ప్రభాకరః పాతు వక్షః పాతు జనప్రియః పాతు పాదౌ ద్వాదశాత్మా సర్వాంగం సకలేశ్వరః

సూర్యరక్షాత్మకం స్తోత్రం లిఖిత్వా భూర్జపత్రకే దధాతి యః కరే తస్య వశగాః సర్వసిద్ధయః

సుస్నాతో యో జపేత్సమ్యగ్యోऽధీతే స్వస్థమానసః స రోగముక్తో దీర్ఘాయుః సుఖం పుష్టిం చ విందతి

ఇతి శ్రీ యాజ్ఞవల్క్యమునివిరచితం శ్రీ సూర్యకవచస్తోత్రం సంపూర్ణం